Poslovne vijesti - Makedonija

Владата ја издаде 12. емисија обврзници за денационализација

Министерството за финансии во среда соопшти дека Владата ја издаде Дванаесеттата емисија обврзници за денационализација.

Вкупниот износ на емисијата изнесува 13.000.000,00 ЕВРА, кои ќе им бидат исплатени на 675 баратели.

Со Дванаесетата емисија опфатени се сите решенија за денационализација кои станале правосилни од 01.05.2012. до 31.12.2012. година, а во кои како надомест се даваат обврзници.

На сопствениците на обврзниците од страна на Централниот депозитар за хартии од вредност на домашна адреса ќе им биде доставено известување за личниот износ на емитувани обврзници.